ஞானபீடம்

...வாழ வேண்டும்;

உயரே வானத்தில் சிறகடித்துப் பறக்கும் பறவைகள் போல வாழவேண்டும்.

கண்ணியில் சிக்காத கானாங்குருவி போலே;

பறவைகளுக்கெல்லாம் பாஸ்போர்ட் இல்லை; கண்டங்களைத் தாண்டி பறந்திடுமே. - NRI பாடினான்.

'குருவி கொடஞ்ச கொய்யாப்பழம்' - நாட்டுப்புறத்திலும் பறவைகளுக்கு பாட்டு உண்டு.

"அந்த பறவைகளைப் பாருங்கள்; அவை விதைப்பதுமில்லை; அறுப்பதுமில்லை; ஆனாலும் உங்கள் பரமபிதா அவைகளையும் பிழைப்பூட்டுகிறாரே". இயேசு சொன்னார்.

இராமாயணத்தில் ஒரு ஜடாயு.

திருக்கழுக்குன்றத்தில் கழுகு.

'பறவையைக் கண்டான்; விமானம் படைத்தான்.' - அறிவியல் சமைத்தான்.

'அந்த காக்கா கூட்டத்த பாருங்க, அதுக்கு (ஒன்னாயிருக்க) கத்துக் குடுத்தது யாருங்க'.

பறவைகள் பலவிதம்; ஒவ்வொன்றும் ஒருவிதம் !

காக்கைச் சிறகினிலே நந்தலாலா, நின்றன் கரிய நிறம் தோண்றுதடா நந்தலாலா.

மதுரை மீனாட்சிக்கு ஒரு கிளி.

சமாதானப் புறா.

சேவற்கொடியோன் முருகன் மயில் வாகனன்.