ஞானபீடம்

சென்று வருகிறேன்.

நன்றி, வணக்கம்.



இவண்

உங்கள்
ஞான்ஸ்

கருநீல வானத்தில் மிதக்கும் வெண்பஞ்சு மேகக் கூட்டத்தைக் கலைத்திடும் விதமாய் வீசிடும் கீழ்க்காற்று.

இருளை மெல்ல விளக்கித் தள்ள நினைக்கும் லாந்தர் விளக்கின் வெளிச்சத்தில் வந்து அறியாமல் மடிந்து போகும் விட்டில் பூச்சிகள்.

எங்கோ உதிர்ந்த சருகுகளைக் கடத்தி வந்தது காற்று; இங்கே கிடக்கின்றன.

சுட்டெரிக்கும் சூரியனின் வெப்பத்தின் எரிச்சலால் நீர்க்குட்டையில் விழுந்து திளைத்திருக்கும் எருமைக் கூட்டம்.

கட்டுப்பாடு ஏதுமின்றி மலருக்கு மலர் தாவி தேன் உண்டு மயங்கிக் கிடக்கும் வண்டுகள்.

கடலுக்கு யார் வந்தாலும் வராவிட்டாலும் கரைக்கு வந்துவிட்டு போகும் அலைகள்.

அந்தப்பக்கம் இருக்கறவன் எதையும் காதுல போட்டுக்க மாட்டேங்கறான்;

இந்தப் பக்கம் இருக்கறவன் வாயத் தொறந்து ஒன்னும் பேச மாட்டேங்கறான்;

நடுவுல இருக்கறவன் எதயுமே கண்டுக்க மாட்டேன்னு நடூ...நெலம வகுக்குறானோ?!

துளி - விழும் - மழை ||
பனி - விழும் - காலை ||

தொங்கும் - தொட்டில் - குரங்கு ||

ஆடும் - மயில் - காடு ||
பாடும் - குயில் - கூடு ||

===== *** ======

தவளை குதித்த குளத்தில்
தண்ணீரின் சத்தம்!

நிலவு மிதந்த வானில்
மேகத்தின் தடங்கள்!

மரங்கள் அடர்ந்த காட்டில்
பூக்களின் நறுமணம்!

அவள் நடந்த பாதையில்
புல்லுக்கும் புல்லரிப்பு!

===== *** ======

எச்சரிக்கை: இது ஒரு ஆபாசம் நிறைந்த பதிவு.

I repeat, எச்சரிக்கை: இது ஒரு ஆபாசம் நிறைந்த பதிவு.


ஆடு... நன்றாக ஆடு
ஆடி ஆடிக் களைத்திடு
ஆடுவது உடலுக்கு நல்ல பயிற்சி
ஆடலுடன் பாடலைக் கேட்டு ரசிப்பதிலேதான் சுகம்... சுகம்ம்... சுகம்!

*** **** ***

ஆனால் ஆடுவதற்கு முன்...

தலையைச் சுற்றி வளைத்து இறுகப் பின்னி இருக்கும் கூந்தலை அவுத்து போட்டு ஆடு!

மணிக்கட்டை இருகப் பிடித்து கடித்துக் கொண்டிருக்கும் கடிகாரத்தை அவுத்துப் போட்டு ஆடு!

காலில் மாட்டியிருக்கும் தப்பான அளவு கொண்ட ஷூ-வை அவுத்துப் போட்டு ஆடு!

இடுப்பைச் சுற்றிப் பிடித்துக் கொண்டு வயிற்றை அமுக்கும் பெல்ட்-டை அவுத்துப் போட்டு ஆடு!

*** **** ***

ஆடு... நன்றாக ஆடு
ஆடி ஆடிக் களைத்திடு
ஆடுவது உடலுக்கு நல்ல பயிற்சி

*** **** ***

இத வுட்டுப் போட்டு, வேற எதயாவது அவுத்துப் போட்டு ஆடுனா.... பிச்சுபுடுவேன் பிச்சு!