ஞானபீடம்

கருநீல வானத்தில் மிதக்கும் வெண்பஞ்சு மேகக் கூட்டத்தைக் கலைத்திடும் விதமாய் வீசிடும் கீழ்க்காற்று.

இருளை மெல்ல விளக்கித் தள்ள நினைக்கும் லாந்தர் விளக்கின் வெளிச்சத்தில் வந்து அறியாமல் மடிந்து போகும் விட்டில் பூச்சிகள்.

எங்கோ உதிர்ந்த சருகுகளைக் கடத்தி வந்தது காற்று; இங்கே கிடக்கின்றன.

சுட்டெரிக்கும் சூரியனின் வெப்பத்தின் எரிச்சலால் நீர்க்குட்டையில் விழுந்து திளைத்திருக்கும் எருமைக் கூட்டம்.

கட்டுப்பாடு ஏதுமின்றி மலருக்கு மலர் தாவி தேன் உண்டு மயங்கிக் கிடக்கும் வண்டுகள்.

கடலுக்கு யார் வந்தாலும் வராவிட்டாலும் கரைக்கு வந்துவிட்டு போகும் அலைகள்.